Revolve Productions

Revolve Productions het sy ontstaan te danke aan 'n oomblik van insig toe Chanté Jonker een oggend wakker geword het met die besef dat sy haar droom moes najaag, ongeag hoe onmoontlik dit mag lyk. Sy het besluit om nie eendag terug te kyk en te wens sy het probeer nie. Revolve Productions is gebore uit hierdie vasberadenheid om stories te verfilm wat verdien om gehoor en gesien te word, en dit lewendig te maak deur die kuns van visuele en klankmediums.

Wanneer mense vir Chanté vra wat Revolve Productions uniek maak, glimlag sy en sê dat hulle die span self moet ontmoet. Die interessante mense agter die lense bring 'n unieke kreatiewe benadering wat Revolve Productions onderskei van ander.

In September 2024 het Revolve Productions die kortfilm, Wit Skadu van die Nag, bekendgestel. Chanté beskryf hierdie projek as een van die mees uitdagende projekte wat hulle nog aangepak het, en dit was ook haar debuut as filmregisseur. Sy glo dat daar sukses in elke projek is, as 'n mens bereid is om dit raak te sien en verby die negatiewe aspekte te kyk. Selfs klein oorwinnings, soos om 'n kamerabeweging reg te kry wat voorheen nie moontlik was nie, is 'n teken van sukses.

Groot produksiegeleenthede bring hul eie stel uitdagings mee, veral op die gebied van logistiek en organisasie. Chanté verduidelik dat die beplanning en die bepaling van 'n duidelike doel en tydlyn vir elke projek een van die grootste uitdagings is. Elke projek is uniek, en daarom is daar geen vaste riglyne om te volg nie. Sy moet haar bronne bepaal, insluitend die nodige toerusting en die aantal persone wat moet help. Die opset, plek en tegnologie speel ook 'n belangrike rol. Gelukkig skrik Chanté nie vir 'n uitdaging nie!

Wanneer sy gevra word oor toekomstige projekte en planne, antwoord sy met 'n misterieuse glimlag: “Only tomorrow will tell what story will be told next, and that is where the beauty of it all lies in. Wait and see what tomorrow will bring …”

Volg Revolve Productions op sosiale media om produksies te kyk en op hoogte van toekomstige projekte te bly.